Më datën 09.10.2025, IADK, së bashku me përfaqësues nga Agjencia Suedeze për Zhvillim dhe Bashkëpunim Ndërkombëtar (SIDA), realizoi një vizitë në komunën e Leposaviqit, ku janë vizituar tre përfitues të mbështetur përmes projektit “Fuqizimi i Komuniteteve Rurale përmes Zhvillimit të Bujqësisë”, i cili implementohet në partneritet me Këshillin Danez për Refugjatë (DRC).
Vizita kishte për qëllim të vlerësonte nga afër rezultatet e këtij projekti në sektorin e blegtorisë dhe perimtarisë, si dhe të dëgjonte përvojat e drejtpërdrejta të përfituesve. Përfaqësuesit e SIDA-s patën mundësinë të bisedojnë me përfituesit, të njihen më mirë me sfidat dhe sukseset e tyre, si dhe të vlerësojnë rëndësinë e mbështetjes në rritjen e kapaciteteve prodhuese dhe përmirësimin e kushteve të jetesës në zonat rurale.
Përmes këtij projekti, përfituesit janë mbështetur me pajisje, këshilla profesionale dhe ndihmë konkrete për zhvillimin e aktiviteteve të tyre bujqësore, duke kontribuar në fuqizimin ekonomik të komuniteteve rurale.