Bujqësia dhe zhvillimi rural mbeten burime të rëndësishme të të ardhurave për komunitetet e pakicave dhe grupet e margjinalizuara në Kosovë. Në kuadër të përpjekjeve për zhvillim të qëndrueshëm, IADK ka mbështetur 9 fermerë në Komunën e Graçanicës me pajisje moderne dhe trajnime profesionale.
Përmes kësaj mbështetjeje:
✅ 7 fermerë përfituan pajisje bujqësore për rritjen e efikasitetit;
✅ 1 fermer u mbështet me serrë prej 120m², sistem modern të ujitjes dhe inpute përcjellëse;
✅ 1 fermer u mbështet me paisje në sektorin e bletarisë.
Përfituesit do të marrin gjithashtu trajnime praktike, duke u pajisur me njohuri për përdorimin sa më efikas të pajisjeve dhe për një zhvillim të qëndrueshëm të fermave të tyre.
Ky bashkëpunim është pjesë e projektit "Fuqizimi i Komuniteteve Rurale përmes Zhvillimit të Bujqësisë", i financuar nga Agjencia Suedeze për Zhvillim dhe Bashkëpunim Ndërkombëtar (SIDA) dhe i përfaqësuar nga Ambasada Suedeze në Kosovë. Fondet e projektit menaxhohen nga Këshilli Danez për Refugjatët(DRC), ndërsa zbatimi i tij do të realizohet nga Iniciativa për Zhvillimin e Bujqësisë së Kosovës (IADK).
