Me qëllim të lehtësimit dhe të përmirësimit të kusheve të punës tek fermerët, me datë 11 Korrik 2025, IADK ka nënshkruar kontratat për mbështetje me grante në sektorin e bletarisë me 10 fermerë nga Komuna Skënderaj, me koshere antivaro.
Kjo pako mbështetëse synon të kontribuojë në përmirësimin e mirëqenies së bletëve, rritjen e rendimentit të mjaltit dhe të produkteve të tjera bletare, si dhe në forcimin e kapaciteteve të fermerëve për të zbatuar praktika bashkëkohore dhe më të qëndrueshme në menaxhimin e bletëve.
Po ashtu, tek përfituesit do të ofrohen edhe trajnime dhe këshilla direkte nga ekspertët e IADK-së, si dhe vizita studimore me qëllim të arritjes së prodhimtarisë dhe cilësisë sa më të lartë, duke krijuar mundësi më të mëdha në gjenerimin e të ardhurave nga kjo veprimtari.
Ky aktivitet është realizuar në kuadër të projektit “Përmirësimi i punësimit dhe mundësive për gjenerim të të ardhurave në zonat rurale të Kosovës”, i financuar nga donatori BfdW nga Gjermania dhe bashkë financuar nga Komuna Skënderaj.
