Në kuadër të projektit për bimë mjekësore dhe aromatike është duke përkrahur me trajnime të cilat ndikojnë në përmirësimin e kultivimit të BMA-ve. Pjesëmarrës në këto trajnime kanë qenë fermerët e vegjël, pikat grumbulluese dhe eksportues, të interesuar të marrin njohuri rreth prodhimit të materialit fidanor, përgatitjes së tokës për BMA dhe kultivimin e BMA-ve njëvjeçare dhe shumëvjeçare. IADK-ja ka angazhuar ekspertin Muzafer Luma si trajner.
Po ashtu janë organizuar vizita në terren te fermerët përfitues, me ç’rast përfituesit patën mundësinë të shohin mënyrën e kultivimit të bimëve mjekësore si: mëllagë e zezë, cian i kaltërt, kalendulë, luledielli, shtog, presh organik, mëllagë e bardhë, rigon i bardhë, mentë, hithër, lavandë, finok dhe kamomil.
- Prodhimi i farave të bëhet në mënyrë organike, [përparësi kanë varietetet e pastërta gjenetikisht]
- Të zgjidhen varietete që të jenë të përshtatura me kushtet specifike lokale e rajonale
- Në mungesë substrati të zëvendësohet me komponentë organik
- E rëndësishme për përgatitjen e tokës është krijimi i një regjimi normal ujor, ajror dhe ushqimor, me të cilën përmirësohen cilësitë e saj fizike, grumbullohen sasi maksimale lagështie.
Ky aktivitet është realizuar në kuadër të projektit "Mbështetja e zinxhirit të vlerave të BMA përmes krijimit të punësimit dhe vazhdimit të eksportit“, përkrahur nga Deutsche Gesellschaft für Internationale Zusammenarbeit (GIZ) GmbH, mandatuar nga Qeveria e Republikës Federale te Gjermanisë.
