Në këtë vizitë kanë marrë pjesë 9 përfituese të serrave nga komuna e Vushtrrisë, të cilat së pari janë njohur me praktikat e kultivimit në serren demonstruese të IADK-së, si dhe investimet që janë bërë në këtë serrë në aspektin e digjitalisimit të sistemit të ujitjes dhe ajrimit të serrës, dhe adaptimet kundrejt ndrtyshimeve klimatike.
Më pasë është vizituar fermeri Selim Kosumi nga komuna e Vushtrrisë, i cili në serrën me sipërfaqe prej 0.40 ha kishte të kultivuar perime (domate dhe tranguj), dhe gjatë vizitës ai ndau gjithë përvojën e tij të suksesshme në kultivimin e perimeve, përfshirë përgatitjen e tokës, llojet e plehrave të përdorura, për llojet e hibrideve të kultivuara të perimeve, mbjelljen dhe mastat e përkujdesit ndaj perimeve.
Vizita e dytë është realizuar te fermeri Vehbi Gashi në komunën e Mitrovicës, i cili po ashtu tregoj për përvojat e tij në kultivimin e perimeve, veçanërisht për mbjelljen, kultivimin, prodhimin dhe tregtimin e sallatës së gjelbërt.
Vizitat e realizuara gjatë kësaj dite kanë motivuar përfitueset për përkushtim edhe më të madhë në aktivitetin e tyre në serra, e ato njëkohësisht kanë shkëmbyer edhe mes veti përvojat tyre gjatë kultivimit të perimeve në serrat e përfituara përmes projektit.
