Temperaturat e ulëta qe kanë mbretëruar mëngjesin e sotëm më 21.04.2016 kanë shkaktuar dëme të mëdha në sektorin e pemëtarisë.
Bazuar në të dhënat e stacioneve meteorologjike të Iniciativës për Zhvillimin e Bujqësisë së Kosovës (IADK) të cilat janë të vendosura në Postovë të Vushtrrisë temperaturat kanë zbritur në -2,8C0 ndërsa në Vaganicë të Mitrovicës -2,3C0 .
Këto dëme do të ndikojnë shumë në të hyrat e fermerëve për këtë vit, por pasojat do të ndihen edhe vitet në vazhdim sepse do të vijë deri tek paraqitja e fytmëdhenjës alternative.
Duke u bazuar në të dhënat dhe përvojën në pemëtari intensiteti i dëmeve varet nga temperaturat e ulëta, fenofaza në të cilën gjendet pemishtja si p.sh.: frutat e porsaformuar mund të dëmtohen në -1,1 C0 në lulzim të plotë në -2,2 C0 ndërsa lulet e posa formuara mund të dëmtohen në -3,9 C0.
Këto dëme do t’i ndiejnë me tepër pemëtarët e Kosovës të cilët me mund dhe sakrifica të mëdha kanë ngritur pemishtet, prandaj është momenti i fundit që të gjitha autoritetet përgjegjëse dhe fermerët e Kosovës të mendojnë për sigurimin e prodhimtarisë në bujqësi nga fatëkeqësit elementare: breshëri, vërshimet, temperaturat e ulëta etj.
