Të dhënat e hershme për manin dokumentojnë se ata janë me prejardhje nga Kina. Pema e manit është kultivuar nga pemë të egra, me dëshirën për të krijuar mëndafsh nga krimbi i mëndafshit. Krimbat e mëndafshit lulëzojnë në gjethet e pemës së manit. Sa më shumë që ata hanë gjethe, aq më shumë mëndafsh prodhojnë.
Manat janë në dispozicion për një kohë të shkurtër gjatë mesit të verës.
Edhe pse përmbajnë disa fara, manat kanë një cilësi të shkrirjes në gojë. Ata bëhen jashtëzakonisht shpejtë dhe për këtë arsye duhet të hahen pothuajse menjëherë, nëse nuk janë terur, zier ose ngrirë. Manat shpesh përdoren në akullore, akullore me lëng frutash, xhem, pekmez, pije, dhe sidomos pite.
Si të përgatitet reçeli i manit të zi (duditë)
A keni një pemë të manit në oborrin tuaj, ku çdo vit prodhon numër të madh të manave dhe ju nuk dini se çfarë të bëni me ta? Marrja dhe konservimi i tyre me reçel mani është mjaft e lehtë.
Me poshtë janë përshkruar hapat se si të bëni atë në hapa të lehtë
Përbërësit dhe Pajisjet
- Së paku 1 tenxhere të madhe, 30 l enë tefloni (e lehtë për pastrim)
- Lugë (druri) te mëdha
- Një tenxhere të madhe në të cilën do të bëhet pasterizimi i kavanozave pas mbushjes (ose pasterizator)
- Kavanoza (8 kavanoza 720ml)
- Fruta - mana të freskëta (6 kg mana)
- Sheqer (4 kg)
- Limontoz (10 g)
- Kapëse e kavanozave (për të kapur kavanozat e nxehta)
- Pajisje për largimin e bërthamave
Hapi 1 Zgjidhni manat
Është mirë të vjelën ato direkt nga pema dhe të jenë të cilësisë më të mirë. Mund të përdoren edhe mana të ngrirë, në qoftë se gjeni ato (pa shtuar sheqer), e cila është veçanërisht e dobishme në qoftë se ju doni të bëni reçel në muajin dhjetor!
Sa fruta?
Për përgatitjen e reçelit të manit është më mirë të përdoren sasi më të vogla, në mënyrë që të mos shpërbëhet fruti. Është më e lehtë dhe shpejtë për të marrë një shpërndarje të nxehtësisë nëse kemi sasi më të vogël të frutave. Në këtë recetë përshkruhet reçeli me 6 kg mana të zi.
Hapi 2 – Pastro kavanozat dhe kapakët
Tani është më mirë për të marrë kavanoza të gatshëm, kështu që ju nuk do të nxitoheni më vonë. Pasterizimi i kavanozave bëhet deri në 10 minuta, dhe mund të mbahen kavanozat në ujë të nxehtë derisa ato përdoren.
Mbajtja e tyre në të nxehtë do të parandalojë kavanozat nga thyerja, kur ato mbushen me reçel të nxehtë.
Hapi 3 - Lahen frutat nga papastërtitë!
Pastrohen frutat në ujë të rrjedhshëm dhe largohen pjesët e panevojshme si ndonjë gjethe, mbeturina e të tjera.
Kujdes: manat do të njollosin me lehtësi.
Hapi 4 – Zieni manat (varet nga sasia e manave)
Nxehen manat në një tenxhere të mbuluar. Kjo ndihmon që frutat të lirojnë lëngje dhe fara. Pasi lëngu i frutave të avullohet, shtohet sheqeri
Hapi 5 - Testimi për mpiksje (trashësi)
Mbani një lugë gjelle metalike të vendosur në një gotë me ujë me akull, pastaj merrni një gjysmë luge nga përzierja dhe lëreni të ftohet në lugë në temperaturë dhome. Nëse ajo trashet deri në konsistencën që ju e pëlqeni, atëherë përfundon procesi dhe reçeli është gati.
Hapi 6 - Mbushni enët dhe vëni kapakun
Mbushni ato deri në krye, dhe mbylleni kapakun. Pastaj ato i vëni në enën për pasterizim! Rendimenti i kësaj recete është 8 kavanoza (720ml)Hapi 7 - Hiq kavanozat nga pasterizatori dhe lëreni të ftohen gradualisht
Largoni kavanozat nga uji me mekanizëm ngritjeje e mashës tuaj për kavanoza dhe lëreni të ftohen gradualisht në një vend të freskët (zakonisht zgjatë gjatë natës). Pasi kavanozat janë ftohur, ju mund të kontrolloni se ata janë vulosur.
Vetëm shtypni në qendër , lehtë me gishtin tuaj. Nëse ajo shkon poshtë (shpesh duke e bërë një tingull), ajo nuk është e vulosur . Nëse ju vendosni kavanozin në frigorifer menjëherë, ju ende mund ta përdorni atë.
Pasi të është ftohur , janë të gatshëm për ta ruajtur. Përdorimi i këtij reçeli mund të zgjasë deri në 12 muaj . Por, pas 6 deri në 8 muaj, ata marrin ngjyrë të errët dhe fillojnë të bëhen më të lëngshëm. Ato ende janë të sigurta për t’u ngrënë , por shija dhe cilësia nuk janë aq të mira .
Një tjetër mundësi është të mbani manat ose fruta të tjera në formë të ngrirë dhe t’i përpunoni ato kur është e nevojshme.