Që nga viti 2009, IADK ka filluar trajnimet e para në sektorin e blegtorisë me grupe të ndryshme të fermerëve të cilët kanë qenë të angazhuar në këtë sektor. Duke marrë në konsideratë problemet e shumta të fermerëve blegtorë si në aspektin e përmirësimit të racës së lopëve, ofrimin e ushqimeve të nevojshme për lopë, përmirësimin e cilësisë, të sasisë së qumështit dhe të mishit, IADK që nga viti 2009 e deri 2021 ka organizuar trajnime të shumta me fermerë me qëllim të ngritjes së kapaciteteve të tyre profesionale.
Qënga viti 2015, organizata IADKështë akredituar dhe validuar nga Autoriteti Kombëtar i Kualifikimeve në programin e sektorit të blegtorisë. IADK deri më tani ka çertifikuar gjeneratën e shtatë të fermerëve blegtorë të cilët kanë ndjekur me sukses aftësimin profesional në këtë sektor dhe kanë marrë titullin “Teknikë i Blegtorisë” sipas Nivelin III të Kornizës Kombëtare të Kualifikimeve.
Programet modulare në sektorin e blegtorisë ndahet ne dy profile: profili për “Gjedhe” dhe profili për “Dele dhe Dhi”, me gjithsejë 300 orë mësimore apo 30 kredi, ku 70 % e moduleve realizohen në formën e mësimit praktik ndërsa 30 % e tyre në formën e mësimit teorik.
IADK në kuadër të aseteve të saj posedon sallat për mbajtjen e trajnimeve teorik si dhe pajisje të nevojshme profesionale për realizimin e trajnimeve praktike. IADK ka bashkëpunim të thellë me ferma të ndryshme model të gjedheve, të deleve dhe të dhive, ku një pjesë e trajnimeve praktike realizohen në këto ferma, në të cilat demonstrohen praktikat më të rëndësishme blegtorale.
Programi mësimor për profilin “Gjedhe” dhe “Dele dhe Dhi”.
