Iniciativa  për  Zhvillimin  e  Bujqësisë  së  Kosovës  (IADK)  është  organizatë joqeveritare  që angazhohet për krijimin e një mjedisi më të zhvilluar socio-ekonomik në zonat rurale duke mbështetur aktivitetet bujqësore, ri-integrimin e njerëzve të kthyer,  zbutjen e varfërisë, zvogëlimin e importit, promovimin e praktikave të mira bujqësore, zvogëlimin e papunësisë  duke përfshirë të gjitha grupet shoqërore pa dallim feje, etniteti apo gjinie

IADK ka filluar të zbatojë projektin “Transhumanca - ofertë e re turistike e Kosovës dhe Malit të Zi” i financuar nga Bashkimi Evropian, ku objektivi i përgjithshëm është “Përmirësimi i cilësisë dhe dukshmërisë së turizmit në lidhje me zhvillimin e trashëgimisë dhe vlerave kulturore dhe natyrore, si dhe përfshirja e transhumancës në ofertën e turizmit të Kosovës dhe Malit të Zi”

IADK do të angazhojë një “Zyrtar/e të Projektit” për këtë projekt.

Detyrat dhe përgjegjësitë:

• Të marrë pjesë në mënyrë aktive në të gjitha aktivitetet e projektit
• Të prezantojë projektin tek palët e interesit dhe të bashkëpunojë ngushtë me institucionet  ku shtrihet projekti
• Të identifikojë fshatrat dhe përfituesit potencial
• Të bëjë shpërndarjen e të mirave tek përfituesit
• Të regjistrojë të gjitha informacionet e marra në teren/fshatra dhe familjet në fshatra
• Të organizojë trajnime për përfituesit e projektit
• Të bëjë raport për secilin aktivitet dhe për projektet sipas kërkesës
• Të marrë pjesë në trajnimet dhe seminaret e organizuara nga IADK
• Të përcjellë dhe përgatis të gjitha misionet me ekspertë lokal dhe internacional
• Të përgatis materialin për publikime, fletëpalosje/broshura
• Të kryejë edhe punë tjera që do të kërkohen nga Drejtori Ekzekutiv i IADK-së

Kualifikimet dhe kompetencat kryesore:

• Diplomë universitare e fakultetit të Bujqësisë, Ekonomisë  apo Shkencave sociale
• Së paku 3 vite përvojë pune në pozita të ngjashme në projekte
• Njohuri të mira në paketën Microsoft Office
• Aftësi të mira komunikimi
• Aftësi për punë në ambient multietnik
• Aftësi për tu përshtatur në punën ekipore
• Aftësi për punë me qetësi nën presion të kohës
• Të flasë dhe të shkruajë mirë gjuhët: Shqip dhe Anglisht (Serbisht e preferueshme)
• Të posedojë patentë shofer valid, kategoria B

Të interesuarit mund të aplikojnë duke dërguar:

• CV-në; 
• Një letër motivuese;
• Kopjet e diplomave universitare;
• Çertifikatat përkatëse të trajnimeve të ndryshme, dhe
• Së paku dy referenca që kanë të bëjnë me zbatimin e projekteve.

Kandidatët e përzgjedhur duhet të sjellin:

• Çertifikatën nga gjykata që dëshmon se nuk jeni nën hetime, dhe
• Çertifikatën e gjendjes shëndetësore

Dokumentet e lartpërmendura duhet të sjellen direkt në zyrat e IADK-së Sfaraçak i Ulët nr.11 Vushtrri, ose përmes e-mailit prokurimi@iadk.org dhe zbunjaku@yahoo.com, më së largu deri më 29.09.2020, ora 16:00

Personi kontaktues: Besarta Hajrizi - Zyrtare për Prokurim & Administratë, tel. 049 777 059

Pjesëtarët e minoriteteve dhe femrat inkurajohen të konkurojnë. Vetëm kandidatët nga lista e ngushtë do të ftohen në intervistë.